Lao ICT and Digital Association
ກ່ຽວກັບສະມາຄົມ LIDA
ສະມາຄົມໄອຊີທີ ແລະ ດິຈິຕອນ ລາວ ເປັນອົງການການຄ້າທີ່ນຳເທັກໂນໂລຊີຂັບເຄື່ອນການພັດທະນາເສດຖະກິດ-ສັງຄົມ ໂດຍອີງໃສ່ຫຼັກການຮ່ວມມື, ຄວາມໂປ່ງໃສ ແລະ ນະວັດຕະກຳ.
ປີການກໍ່ຕັ້ງ
2023
ສະມາຊິກ
6 ປະເພດ
ຂະແໜງການເຄື່ອນໄຫວ
8 ຂະແໜງ
Official Names
ຊື່ທາງການຂອງສະມາຄົມ
ລ
ພາສາລາວສະມາຄົມ ໄອຊີທີ ແລະ ດິຈິຕອນ ລາວ
(ສຄອດ)
E
EnglishLao ICT and Digital Association
(LIDA)
ວິໄສທັດ 2030
ສ້າງເຄື່ອຂ່າຍດິຈິຕອນ ເຊື່ອມໂຍງທຸກພາກສ່ວນ
LIDA ເປັນແພລດຟອມຮ່ວມມືລະດັບຊາດ ທີ່ຮວບຮວມບໍລິສັດ ICT, ສະຖາບັນການສຶກສາ ແລະ ພັນທະມິດຕ່າງປະເທດ ເພື່ອເຮັດໃຫ້ແນວຄິດເສດຖະກິດດິຈິຕອນກາຍເປັນຄວາມຈິງ.
ການຄຸ້ມຄອງໂດຍຄະນະບໍລິຫານທີ່ໄດ້ຮັບເລືອກຕັ້ງຕາມກົດລະບຽບ.
ການເຮັດວຽກຮ່ວມກັນກັບອົງການອາຊຽນ ແລະ ໂລກໃຫ້ສອດຄ່ອງມາດຕະຖານ.
ເນັ້ນການພັດທະນາມະນຸດສົມທົບໃນທຸກລະດັບ.
LIDA is a member of
- ASOCIO (Asian-Oceanian Computing Industry Organization)
- WITSA (World Information Technology and Services Alliance)
ວິໄສທັດຂອງ LIDA
LIDA ເປັນອົງກອນຊັ້ນນຳດ້ານດິຈິຕອນຂອງປະເທດທີ່ເຊື່ອມໂຍງພາກລັດ, ພາກເອກະຊົນ ແລະ ອົງການຕ່າງປະເທດ ເພື່ອນຳເຕັກໂນໂລຊີ ແລະ ນະວັດຕະກຳເຂົ້າສູ່ການພັດທະນາເສດຖະກິດ-ສັງຄົມຢ່າງກ້າວກະໂດດ.
ພັນທະກິດຂອງ LIDA
- ຮ່ວມມືກັບບັນດາສະຖາບັນການສຶກສາ ແລະ ບັນດາສູນພັດທະນາສີມືແຮງງານໃນວຽກງານການສ້າງຊັບພະຍາກອນມະນຸດໃນຂະແໜງການດິຈິຕອນ ເຕັກໂນໂລຊີ ແລະ ນະວັດຕະກຳ ເພື່ອຮອງຮັບຄວາມຕ້ອງການທາງດ້ານປະລິມານ ແລະ ຄຸນະພາບຂອງແຮງງານໃນຍຸກເສດຖະກິດດິຈິຕອນ.
- ຮ່ວມມືກັບທຸກພາກສ່ວນທີ່ກ່ຽວຂ້ອງໃນການສ້າງ ແລະ ດັດແກ້ກົດໝາຍ ແລະ ນະໂຍບາຍຕ່າງໆທີ່ຈະເອື້ອອຳນວຍໃຫ້ທຸລະກິດໃນຂະແໜງການດິຈິຕອນ ເຕັກໂນໂລຊີ ແລະ ນະວັດຕະກຳ ມີການຈະເລີນເຕີບໂຕ, ເຂັ້ມແຂງ ພ້ອມທັງວາງແຜນພັດທະນາໂຄງການທີ່ເປັນຍຸດທະສາດໃນຂະແໜງການນີ້ຮ່ວມກັບພາກລັດ ແລະ ອົງການຮ່ວມມືສາກົນຕ່າງໆ.
- ສົ່ງເສີມ ແລະ ມີສ່ວນຮ່ວມໃນວຽກງານການຫັນເປັນທັນສະໄໝໂດຍນຳໃຊ້ເຕັກໂນໂລຊີດິຈິຕອນໃຫ້ທັງພາກທຸລະກິດ ແລະ ພາກລັດ ພ້ອມທັງປະກອບສ່ວນເຂົ້າໃນການສ້າງເສດຖະກິດດິຈິຕອນ ສົ່ງເສີມສັງຄົມດ້ວຍການສ້າງຄວາມຮັບຮູ້ ແລະ ເຫັນໄດ້ຄວາມສຳຄັນຂອງຂະແໜງການດິຈິຕອນ ເຕັກໂນໂລຊີ ແລະ ນະວັດຕະກຳ.
Membership
ລະບົບສະມາຊິກ
ສະມາຊິກແຕ່ລະປະເພດໄດ້ຮັບສິດເຂົ້າຮ່ວມກິດຈະກຳ ແລກປ່ຽນຂໍ້ມູນ ແລະ ເຂົ້າເຖິງໂຄງການຮ່ວມມືຂອງສະມາຄົມ.
Gold
25,000,000 ກີບ/ປີ
Silver
10,000,000 ກີບ/ປີ
Bronze
5,000,000 ກີບ/ປີ
Ordinary
2,000,000 ກີບ/ປີ
Affiliate
1,500,000 ກີບ/ປີ
Individual
300,000 ກີບ/ປີ
ເປົ້າໝາຍຂອງສະມາຄົມ
- ລະດົມ ແລະ ເຕົ້າໂຮມເອົາບັນດານັກທຸລະກິດ, ບໍລິສັດດຳເນີນທຸລະກິດ ທີ່ມາດຳເນີນທຸລະກິດ ແລະ ລົງທຶນໃນທົ່ວປະເທດ ເພື່ອແລກປ່ຽນຂໍ້ມູນຂ່າວສານ.
- ເຕົ້າໂຮມຄວາມສາມັກຄີຂອງນັກທຸລະກິດ ແລະ ສະມາຊິກສະມາຄົມ ເພື່ອຊ່ວຍເຫຼືອເຊິ່ງກັນ ແລະ ກັນໃນການດຳເນີນທຸລະກິດ, ເຈັບເປັນ ແລະ ເສຍຊີວິດ.
- ລະດົມບັນດານັກທຸລະກິດ, ບໍລິສັດດຳເນີນທຸລະກິດ ທັງພາຍໃນ ແລະ ຕ່າງປະເທດ ປະກອບສ່ວນທຶນ, ຊັບສິນ ແລະ ອື່ນໆເພື່ອຊ່ວຍເຫຼືອສັງຄົມ ໃນເມື່ອເກີດໄພພິບັດທາງທຳມະຊາດ ແລະ ໄພພິບັດຕ່າງໆ.
ຈຸດປະສົງ
- ຕື່ນຕົວສະໝັກໃຈ ປະກອບທຶນ, ຊັບສິນ ແລະ ສະຕິປັນຍາ ເພື່ອສ້າງຕັ້ງສະມາຄົມໄອຊີທີ ແລະ ດິຈິຕອນ ລາວ.
- ບໍ່ຫວັງຜົນກຳໄລ ແລະ ເຄື່ອນໄຫວເປັນປະຈຳ.
- ກຸ້ມຕົນເອງທາງດ້ານການເງິນ, ເຕັກນິກ ແລະ ວິຊາການ.
- ໂປ່ງໃສ, ເປີດເຜີຍ, ມີປະຊາທິປະໄຕ ແລະ ມີຄວາມສະເໝີພາບ.
- ຮັບຜິດຊອບດ້ວຍຕົນເອງຕໍ່ໜ້າກົດໝາຍທຸກການເຄື່ອນໄຫວຂອງສະມາຄົມ.
- ຂົນຂວາຍທຶນຈາກພາຍໃນ ແລະ ຕ່າງປະເທດ ເພື່ອມາຊ່ວຍເຫຼືອຕາມຈຸດປະສົງຂອງສະມາຄົມ.
Activities
ຂະແໜງການເຄື່ອນໄຫວ
ຂະແໜງການຄ້າ ແລະ ການລົງທຶນດິຈິຕອນ
ຂະແໜງການສຶກສາ ແລະ ແຮງງານດິຈິຕອນ
ຂະແໜງໄອຊີທີ ແລະ ດິຈິຕອນ
ຂະແໜງສົ່ງເສີມທຸລະກິດລິເລີ່ມ
ຂະແໜງການເງິນເຕັກໂນໂລຊີ (FinTech)
ຂະແໜງ Digital Media & Content
ຂະແໜງ MSME Digitalization
ຂະແໜງ Digital Infrastructure
Principles
ຫຼັກການປະຕິບັດ
- 1ຕື່ນຕົວສະໝັກໃຈ ປະກອບທຶນ, ຊັບສິນ ແລະ ສະຕິປັນຍາ.
- 2ບໍ່ຫວັງຜົນກຳໄລ ແລະ ເຄື່ອນໄຫວເປັນປະຈຳ.
- 3ກຸ້ມຕົນເອງທາງດ້ານການເງິນ, ເຕັກນິກ ແລະ ວິຊາການ.
- 4ໂປ່ງໃສ, ເປີດເຜີຍ, ມີປະຊາທິປະໄຕ ແລະ ມີຄວາມສະເໝີພາບ.
- 5ຮັບຜິດຊອບດ້ວຍຕົນເອງຕໍ່ໜ້າກົດໝາຍທຸກການເຄື່ອນໄຫວຂອງສະມາຄົມ.
- 6ຂົນຂວາຍທຶນຈາກພາຍໃນ ແລະ ຕ່າງປະເທດ ເພື່ອມາຊ່ວຍເຫຼືອຕາມຈຸດປະສົງຂອງສະມາຄົມ.
ສິດຂອງສະມາຄົມ
- ເຄື່ອນໄຫວຕາມແຜນພັດທະນາເສດຖະກິດ-ສັງຄົມ, ກົດໝາຍ, ລະບຽບການຂອງລັດທີ່ກ່ຽວຂ້ອງ ແລະ ກົດລະບຽບຂອງຕົນ.
- ປະສານສົມທົບກັບບັນດາກະຊວງ, ອົງການລັດທຽບເທົ່າກະຊວງ ແລະ ພະແນກການຂັ້ນແຂວງ, ຫ້ອງການຂັ້ນເມືອງ ແລະ ຂະແໜງການຕ່າງໆທີ່ກ່ຽວຂ້ອງ ເພື່ອຂຶ້ນແຜນ ແລະ ຈັດຕັ້ງປະຕິບັດວຽກງານຂອງຕົນ.
- ລະດົມຂົນຂວາຍ ແລະ ຮັບເອົາການສະໜັບສະໜູນ, ຊ່ວຍເຫຼືອ, ການບໍລິຈາກທຶນ, ຊັບສິນ ຈາກບຸກຄົນ ແລະ ນິຕິບຸກຄົນທັງພາຍໃນ ແລະ ຕ່າງປະເທດ.
- ໃຫ້ການສະໜັບສະໜູນດ້ານມະນຸດສະທຳ ແລະ ຫຼຸດຜ່ອນຄວາມທຸກຍາກຂອງປະຊາຊົນ.
ພັນທະໜ້າທີ່
- ລາຍງານປະຈຳປີໃຫ້ອົງການອະນຸມັດສ້າງຕັ້ງ ແລະ ອົງການຈັດຕັ້ງລັດທີ່ກ່ຽວຂ້ອງກ່ຽວກັບສະພາບການຈັດຕັ້ງ ແລະ ການເຄື່ອນໄຫວວຽກງານ, ລາຍຮັບ-ລາຍຈ່າຍງົບປະມານຂອງສະມາຄົມ.
- ເຄື່ອນໄຫວພົວພັນກັບຂົງເຂດ, ຂະແໜງການໃດ ຕ້ອງຢູ່ພາຍໃຕ້ການຄຸ້ມຄອງລັດ, ຂອງຂົງເຂດ ແລະ ຂະແໜງການນັ້ນ.
- ການລະດົມທຶນ, ຊັບສິນຂອງສະມາຄົມ ຫຼື ຮັບເອົາການບໍລິຈາກ, ການຊ່ວຍເຫຼືອຈາກບຸກຄົນ ແລະ ນິຕິບຸກຄົນຢູ່ພາຍໃນ ແລະ ຕ່າງປະເທດ ໃຫ້ສອດຄ່ອງກັບຈຸດປະສົງຂອງສະມາຄົມ.
- ນຳໃຊ້ທຶນ, ຊັບສິນທັງໝົດຂອງສະມາຄົມທີ່ລະດົມມາໄດ້ ໃຫ້ສອດຄ່ອງກັບຈຸດປະສົງ, ເປົ້າໝາຍຂອງສະມາຄົມ.
- ປະຕິບັດຕາມກົດໝາຍ ແລະ ລະບຽບການຂອງລັດທີ່ກ່ຽວຂ້ອງກັບການບັນຊີ, ການກວດສອບ ແລະ ກົດລະບຽບຂອງສະມາຄົມ.
Organization
ໂຄງປະກອບການຈັດຕັ້ງ
ໂຄງປະກອບບຸກຄະລາກອນ
ຄະນະບໍລິຫານປະທານ, ຮອງປະທານຜູ້ປະຈຳການ ແລະ ຮອງປະທານ
ຄະນະກວດກາກວດກາທຸກການເຄື່ອນໄຫວ ແລະ ການເງິນ
ຄະນະເລຂາທິການບໍລິຫານວຽກງານປະຈຳວັນ
ສະມາຊິກ6 ປະເພດສະມາຊິກ
ໂຄງປະກອບການຈັດຕັ້ງ
- ຫ້ອງການສະມາຄົມ
- ໜ່ວຍງານວິຊາການຈຳນວນໜຶ່ງ
Membership Details
ລາຍລະອຽດສະມາຊິກ
Gold
25,000,000 ກີບ/ປີ
ສິດ: ສິດເລືອກຕັ້ງ ແລະ ສະໝັກຮັບເລືອກຕັ້ງ
ເງື່ອນໄຂ: ບໍລິສັດ/ພົນລະເມືອງລາວ, ອາຍຸ 18 ປີຂຶ້ນໄປ
Silver
10,000,000 ກີບ/ປີ
ສິດ: ສິດເລືອກຕັ້ງ ແລະ ສະໝັກຮັບເລືອກຕັ້ງ
ເງື່ອນໄຂ: ບໍລິສັດ/ພົນລະເມືອງລາວ, ອາຍຸ 18 ປີຂຶ້ນໄປ
Bronze
5,000,000 ກີບ/ປີ
ສິດ: ສິດເລືອກຕັ້ງ ແລະ ສະໝັກຮັບເລືອກຕັ້ງ
ເງື່ອນໄຂ: ບໍລິສັດ/ພົນລະເມືອງລາວ, ອາຍຸ 18 ປີຂຶ້ນໄປ
Ordinary
2,000,000 ກີບ/ປີ
ສິດ: ບໍ່ມີສິດເລືອກຕັ້ງ
ເງື່ອນໄຂ: ບໍລິສັດ/ພົນລະເມືອງລາວ
Affiliate
1,500,000 ກີບ/ປີ
ສິດ: ບໍ່ມີສິດເລືອກຕັ້ງ
ເງື່ອນໄຂ: ບໍລິສັດ/ພົນລະເມືອງລາວ
Individual
300,000 ກີບ/ປີ
ສິດ: ບໍ່ມີສິດເລືອກຕັ້ງ
ເງື່ອນໄຂ: ພົນລະເມືອງລາວ
ສິດປະໂຫຍດສະມາຊິກ
- ໄດ້ຮັບຂໍ້ມູນຂ່າວສານກ່ຽວກັບການເຄື່ອນໄຫວ ແລະ ຂໍ້ມູນຕ່າງໆກ່ຽວຂ້ອງກັບສະມາຄົມ
- ໄດ້ຮັບສິດເຂົ້າຮ່ວມກິດຈະກຳຕ່າງໆຂອງສະມາຄົມໂດຍອີງໃສ່ຄວາມສົນໃຈ ແລະ ຄວາມເໝາະສົມ
- ໄດ້ຮັບຜົນປະໂຫຍດຕ່າງໆຕາມນະໂຍບາຍຂອງສະມາຄົມ
ເງື່ອນໄຂການພົ້ນຈາກສະມາຊິກ
- ສະໝັກໃຈລາອອກ
- ກະທຳຜິດຕໍ່ກົດໝາຍ, ລະເມີດກົດລະບຽບຂອງສະມາຄົມຢ່າງຮ້າຍແຮງ
- ບໍ່ຮ່ວມກິດຈະກຳຂອງສະມາຄົມຕິດຕໍ່ກັນ 5 ຄັ້ງ
- ເສຍຊີວິດ
Meetings
ປະເພດກອງປະຊຸມ
1
ກອງປະຊຸມໃຫຍ່
ຄວາມຖີ່:1 ປີຕໍ່ຄັ້ງ
ອົງປະຊຸມ:ຫຼາຍກວ່າເຄິ່ງໜຶ່ງຂອງສະມາຊິກ
ອົງການນຳສູງສຸດຂອງສະມາຄົມ ເລືອກຕັ້ງຄະນະບໍລິຫານ/ກວດກາ ແຈ້ງຕໍ່ອົງການລັດລ່ວງໜ້າ 60 ວັນ
2
ກອງປະຊຸມປະຈຳປີ
ຄວາມຖີ່:ທ້າຍເດືອນພະຈິກ/ຕົ້ນທັນວາ
ອົງປະຊຸມ:ຫຼາຍກວ່າເຄິ່ງໜຶ່ງຂອງສະມາຊິກ
ສະຫຼຸບວຽກງານ, ຜ່ານທິດທາງແຜນການ ແລະ ຍ້ອງຍໍບຸກຄົນດີເດັ່ນ
3
ກອງປະຊຸມຄະນະບໍລິຫານ
ຄວາມຖີ່:2 ເດືອນຕໍ່ຄັ້ງ
ອົງປະຊຸມ:2/3 ຂອງຄະນະບໍລິຫານ
ປຶກສາຫາລືການບໍລິຫານວຽກງານ ແລະ ວາງແຜນການເຄື່ອນໄຫວ
Finance
ການເງິນຂອງສະມາຄົມ
ແຫຼ່ງລາຍຮັບ
- ເງິນສະໜັບສະໜູນຈາກບຸກຄົນ/ນິຕິບຸກຄົນພາຍໃນ ແລະ ຕ່າງປະເທດ
- ເງິນບຳລຸງຂອງສະມາຊິກ
- ລາຍໄດ້ຈາກການສະໜອງການບໍລິການ
- ການລະດົມຂົນຂວາຍທຶນດ້ວຍຮູບແບບຕ່າງໆ
ລາຍຈ່າຍ
- ສະໜັບສະໜູນແຜນງານ, ໂຄງການ, ກິດຈະກຳເພື່ອສາທາລະນະປະໂຫຍດ
- ຄ່າຈ້າງພະນັກງານ, ຄ່າເຊົ່າສຳນັກງານ, ຄ່ານ້ຳ/ໄຟ (ບໍ່ເກີນ 25% ຂອງແຜນລາຍຈ່າຍປະຈຳປີ)
- ລາຍຈ່າຍອື່ນໆທີ່ບໍ່ຂັດກັບຈຸດປະສົງຂອງສະມາຄົມ
ລະບຽບການເງິນ
- ປະທານສັ່ງຈ່າຍບໍ່ເກີນ 100,000,000 ກີບຕໍ່ຄັ້ງ
- ນາຍບັນຊີຮັກສາເງິນສົດບໍ່ເກີນ 5,000,000 ກີບ
- ກວດສອບບັນຊີປະຈຳປີໂດຍບໍລິສັດກວດສອບພາຍນອກ
Regulation
ກົດລະບຽບສະມາຄົມ LIDA
ເນື້ອໃນກົດລະບຽບຄົບຖ້ວນຕາມໂຄງຮ່າງທີ່ປະກາດໃນກອງປະຊຸມສ້າງຕັ້ງ ແລະ ໄດ້ຮັບການຮັບຮອງຈາກອົງການມີອຳນາດ.
ມາດຕາ 1-3: ຈຸດປະສົງ ແລະ ຖານະສະມາຄົມ
- ກົດລະບຽບສ້າງຂຶ້ນເພື່ອກຳນົດແນວທາງການຈັດຕັ້ງ ແລະ ການເຄື່ອນໄຫວຂອງສະມາຄົມ.
- ສະມາຄົມມີຖານະເປັນນິຕິບຸກຄົນ ມີຕາປະທັບ ແລະ ສັນຍາລັກເປັນຂອງຕົນ.
- ຊື່ພາສາລາວ: ສະມາຄົມ ໄອຊີທີ ແລະ ດິຈິຕອນ ລາວ (ສຄອດ) | ພາສາອັງກິດ: Lao ICT and Digital Association (LIDA)
ມາດຕາ 4-7: ເປົ້າໝາຍ ແລະ ຂອບເຂດການເຄື່ອນໄຫວ
- ປະກອບສ່ວນໃຫ້ຂັບເຄື່ອນນະໂຍບາຍດິຈິຕອນຂອງພັກ ແລະ ລັດຖະບານ, ລະດົມ ແລະ ເຕົ້າໂຮມນັກທຸລະກິດ ແລະ ບໍລິສັດດຳເນີນທຸລະກິດເພື່ອແລກປ່ຽນຂໍ້ມູນຂ່າວສານ.
- ເຕົ້າໂຮມຄວາມສາມັກຄີຂອງນັກທຸລະກິດ ແລະ ສະມາຊິກເພື່ອຊ່ວຍເຫຼືອເຊິ່ງກັນ ແລະ ກັນໃນການດຳເນີນທຸລະກິດ.
- ກຳນົດຂອບເຂດການເຄື່ອນໄຫວໃນ 8 ຂະແໜງວິຊາການຫຼັກ ໃນທົ່ວປະເທດ.
ມາດຕາ 8-9: ສິດ, ໜ້າທີ່ ແລະ ພັນທະຂອງສະມາຄົມ
- ປະສານສົມທົບກັບບັນດາກະຊວງ, ອົງການລັດທຽບເທົ່າກະຊວງ ແລະ ພະແນກການຂັ້ນແຂວງ, ຫ້ອງການຂັ້ນເມືອງ.
- ລາຍງານສະພາບການເຄື່ອນໄຫວວຽກງານ, ລາຍຮັບ-ລາຍຈ່າຍການເງິນ ໃຫ້ອົງການອະນຸມັດສ້າງຕັ້ງເປັນປະຈຳ.
- ໃຫ້ການສະໜັບສະໜູນດ້ານມະນຸດສະທຳ ແລະ ຫຼຸດຜ່ອນຄວາມທຸກຍາກຂອງປະຊາຊົນ.
ມາດຕາ 10-12: ໂຄງປະກອບກົງຈັກ
- ໂຄງປະກອບກົງຈັກປະກອບດ້ວຍ: ຫ້ອງການສະມາຄົມ ແລະ ໜ່ວຍງານວິຊາການຈຳນວນໜຶ່ງທີ່ຈຳເປັນ.
- ຫ້ອງການສະມາຄົມ ແມ່ນສຳນັກງານບ່ອນຕິດຕໍ່ພົວພັນວຽກງານ ເຊິ່ງມີຄະນະເລຂາທິການເປັນຜູ້ເຮັດວຽກປະຈຳວັນ.
- ການສ້າງຕັ້ງໜ່ວຍງານວິຊາການໃໝ່ຕ້ອງໄດ້ຮັບການຕົກລົງເຫັນດີຂອງຄະນະບໍລິຫານສະມາຄົມ ແລະ ຕາມນິຕິກຳຂອງລັດ.
ມາດຕາ 13-20: ບຸກຄະລາກອນ ແລະ ການບໍລິຫານ
- ໂຄງປະກອບບຸກຄະລາກອນ: ຄະນະບໍລິຫານ (ປະທານ, ຮອງປະທານຜູ້ປະຈຳການ, ຮອງປະທານ), ຄະນະກວດກາ, ຄະນະເລຂາທິການ, ສະມາຊິກ.
- ຄະນະບໍລິຫານມີຢ່າງໜ້ອຍ 3 ທ່ານ, ຖືກເລືອກຕັ້ງໂດຍສະມາຊິກສາມັນ, ວາລະດຳລົງຕຳແໜ່ງສະໄໝລະ 3 ປີ.
- ມາດຖານຄະນະບໍລິຫານ: ປະສົບການບໍລິຫານທຸລະກິດ ICT ຫຼາຍກວ່າ 5 ປີ, ປະລິນຍາຕີຂຶ້ນໄປ, ສື່ສານໄດ້ 2 ພາສາຂຶ້ນໄປ, ຖືສັນຊາດລາວ.
ມາດຕາ 21-25: ຄະນະກວດກາ ແລະ ຄະນະເລຂາທິການ
- ຄະນະກວດກາມີຢ່າງໜ້ອຍ 3 ທ່ານ, ກວດກາທຸກການເຄື່ອນໄຫວ ແລະ ການເງິນຂອງສະມາຄົມເປັນປະຈຳເດືອນ, ໄຕມາດ ແລະ ປະຈຳປີ.
- ຄະນະເລຂາທິການ ບໍລິຫານວຽກງານປະຈຳວັນຂອງຫ້ອງການ, ພົວພັນປະສານງານກັບພາກສ່ວນຕ່າງໆ.
- ສະຫຼຸບລາຍງານສະພາບການເຄື່ອນໄຫວວຽກງານ, ການເງິນ ແລະ ຊັບສິນຕໍ່ປະທານ ແລະ ຄະນະບໍລິຫານເປັນລາຍເດືອນ, ໄຕມາດ ແລະ ປະຈຳປີ.
ມາດຕາ 26-31: ສະມາຊິກສະມາຄົມ
- ສະມາຄົມມີສະມາຊິກ 6 ປະເພດ: Gold, Silver, Bronze, Ordinary, Affiliate, Individual.
- ສະມາຊິກ Gold/Silver/Bronze ຕ້ອງເປັນບໍລິສັດ/ພົນລະເມືອງລາວ, ອາຍຸ 18 ປີຂຶ້ນໄປ, ບໍ່ເຄີຍຖືກສານຕັດສິນລົງໂທດ.
- ສະມາຊິກ Ordinary/Affiliate/Individual ບໍ່ມີສິດເລືອກຕັ້ງ ແລະ ສະໝັກຮັບເລືອກຕັ້ງເຂົ້າໃນຕຳແໜ່ງຄະນະບໍລິຫານ.
- ສະມາຊິກໄດ້ຮັບຂໍ້ມູນຂ່າວສານ, ເຂົ້າຮ່ວມກິດຈະກຳຕ່າງໆ ແລະ ຜົນປະໂຫຍດຕາມນະໂຍບາຍຂອງສະມາຄົມ.
ມາດຕາ 32-35: ກອງປະຊຸມຂອງສະມາຄົມ
- ກອງປະຊຸມມີ 3 ປະເພດ: ກອງປະຊຸມໃຫຍ່ (1 ປີຕໍ່ຄັ້ງ), ກອງປະຊຸມປະຈຳປີ (ທ້າຍເດືອນພະຈິກ/ຕົ້ນທັນວາ), ກອງປະຊຸມຄະນະບໍລິຫານ (2 ເດືອນຕໍ່ຄັ້ງ).
- ກອງປະຊຸມຕ້ອງມີສະມາຊິກເຂົ້າຮ່ວມຫຼາຍກວ່າເຄິ່ງໜຶ່ງ, ກອງປະຊຸມຄະນະບໍລິຫານຕ້ອງມີ 2/3 ຂອງຄະນະບໍລິຫານ.
- ມະຕິກອງປະຊຸມໃຫ່ຖືເອົາຕາມສຽງສ່ວນຫຼາຍ, ຖ້າຄະແນນສຽງເທົ່າກັນ ປະທານເປັນຜູ້ຕັດສິນ.
ມາດຕາ 36-39: ການປັບປຸງ, ການໂຮມ, ການຍຸບເລີກ
- ການປັບປຸງກົດລະບຽບຕ້ອງໄດ້ຮັບມະຕິກອງປະຊຸມໃຫຍ່ ແລະ ອະນຸມັດຈາກອົງການລັດ.
- ການໂຮມ/ແຍກສະມາຄົມຕ້ອງມີສະມາຊິກເຂົ້າຮ່ວມຢ່າງໜ້ອຍ 3/4 ຂອງຈຳນວນສະມາຊິກທັງໝົດ.
- ການຍຸບເລີກຕ້ອງແຈ້ງສະມາຊິກລ່ວງໜ້າ 3 ເດືອນ ແລະ ລົງຄະແນນສຽງຫຼາຍກວ່າເຄິ່ງໜຶ່ງ.
ມາດຕາ 40-43: ແຫຼ່ງລາຍຮັບ, ລາຍຈ່າຍ ແລະ ການຄຸ້ມຄອງການເງິນ
- ແຫຼ່ງລາຍຮັບ: ການສະໜັບສະໜູນຈາກພາຍໃນ/ຕ່າງປະເທດ, ເງິນບຳລຸງສະມາຊິກ, ລາຍໄດ້ຈາກການບໍລິການ, ການລະດົມຂົນຂວາຍທຶນ.
- ລາຍຈ່າຍດ້ານບໍລິຫານບໍ່ເກີນ 25% ຂອງແຜນລາຍຈ່າຍປະຈຳປີ.
- ປະທານມີສິດສັ່ງຈ່າຍບໍ່ເກີນ 100,000,000 ກີບ ຕໍ່ຄັ້ງ, ຖ້າເກີນຕ້ອງໄດ້ຮັບອະນຸຍາດຈາກຄະນະບໍລິຫານ.
- ມີລະບົບການກວດສອບບັນຊີປະຈຳປີຈາກບໍລິສັດກວດສອບພາຍນອກ.
ມາດຕາ 44-45: ການຍ້ອງຍໍ ແລະ ການປະຕິບັດວິໄນ
- ຄະນະບໍລິຫານພິຈາລະນາຍ້ອງຍໍບຸກຄົນ ແລະ ອົງກອນທີ່ມີຜົນງານດີເດັ່ນໃນການປະກອບສ່ວນ.
- ການປະຕິບັດວິໄນ: ກ່າວເຕືອນ, ຂຽນໃບສຳຫຼວດຕົນເອງ, ໃຫ້ອອກຈາກຕຳແໜ່ງ.
- ຜູ້ຖືກວິໄນຕ້ອງໄດ້ຮັບການຢັ້ງຢືນຈາກຄະນະກວດກາ ຫຼື ອົງການຈັດຕັ້ງທີ່ກ່ຽວຂ້ອງ.
ມາດຕາ 46-49: ລະບຽບການຮ້ອງທຸກ ແລະ ຜົນສັກສິດ
- ສະມາຊິກສາມາດສະເໜີບັນຫາຕໍ່ຄະນະກວດກາກ່ຽວກັບສິ່ງທີ່ເຫັນວ່າບໍ່ຖືກຕ້ອງກັບກົດລະບຽບ.
- ຄະນະກວດກາຕ້ອງຮັບຟັງ ແລະ ພິຈາລະນາແກ້ໄຂຕາມສິດ ແລະ ໜ້າທີ່ຂອງຕົນ.
- ກົດລະບຽບໄດ້ຮັບຮອງຈາກກອງປະຊຸມສ້າງຕັ້ງສະມາຄົມ ເດືອນມັງກອນ 2023 ແລະ ມີຜົນບັງຄັບໃຊ້ນັບແຕ່ວັນທີ່ອົງການມີສິດອະນຸມັດສ້າງຕັ້ງຮັບຮອງ.